S M R I T I Y A A N
KISKI YAADEN KISKI BAATEN KISKI KISKI YAAD KAREN !
ab to bahut der ho gayee , ab kis muh se baat karen !!
Milaa bahaana likhne ka, phir kuchh kehane sunane ka !
rahe adhoore khwaab kabhi jo, un khwaabon ko bunane ka !!
Pehale bun len khwaab adhoore, baaten uske baad karen !
Sabse sundar mahal banegaa, khwaab agar aabaad karen !!
Shubhaashansaaon ke deep jalaa kar, aao mil kar baanchen paati !
Phir sudhiyon ke pankh lag gaye, gaatin chiriyaaan aati jaati !!
Un sudhiyon aur un chiriyon ki, ik dooje saugaat karen !
Bahut shor gul bahut baat cheet, ab sub kuchh nishchaap karen !!
KISKI YAADEN KISKI BAATEN KISKI KISKI YAAD KAREN !
ab to bahut der ho gayee , ab kis muh se baat karen !!
_small.jpg)
3 comments:
aao yaad karen
un lamhon ki,
jo jeeyen hain sirf tumhare saath....
us pehle kshan ki,
chhua tha jub tumne
mera haath !
haathon ki lakeeron
me jhaankti aankhen
ho uthhi vyaakul...
per khul na sake lub
kehne koi baat,
aadhi adhuri si
reh gayi
wo pehli mulakaat!
kya jaan leen thi tub bhi tumne
mere mun ki hur ik baat !!
Bahut hi Sundar !
Mujhe lagta hai aapko kitaab chhapwa leni chahiye apni kavitaon ki !
Contd from previous comment :
Haan, main hoon... Shub !
Post a Comment